Delete Case

السلام عليكم ورحمة الله وبركاته انا ام بنتي اليوم كانت وايد تعبانه وحرارتها جدا مرتفعه وديتها مركز بنك البحرين والكويت في الحد ولكن ما طلعت لا بعلاج ولا بحل وذلك بسبب التقصير الشديد من صوب السجلات عدم مبالاة وتبلد في المشاعر ولا في قلوبهم رحمه كل وحده همها ريوقها ومزاجها ما يتعكر والمرضى خل يولون كنت ابي اخذ موعد وقالت لي وحده متينه في السجلات لي العصر هل المريض ينطر لي العصر قلت لها بدش طوارئ وفي الطوارئ الدكتور قال ان بنتي عندها ارتفاع في الحراره والتهاب وعطاني ورقه وقال خل يدخلونج على دكتور طبعا قليلين الأدب السجلات عديمين الاحساس قالو شنسوي السستم شاير طبعا المريض لازم ينطر السستم وطبعا يكلمون الشخص وجنه يعطونه من حلالهم قلة أدب وقاحه حسبي الله ونعم الوكيل يعني جنه يقولون موب عاجبكم روحو خاص انا مااقول حسبي الله على كل شخص كان سبب في بكاء ام بحرقه على عيالها شعور ام تشوف ضناك تعبان ومافي يدك شي وناس المفروض تكون رحيمه تكون في قمه القسوه وتبلد المشاعر شكوتي أقدمها في بنات السجلات الثنتين المتان شفت يوم الأحد بتاريخ ١٠/١٢/٢٠٢٣ الصبح